ik stoh up düt Wicht van’n Bloumnladen
no Fieraumt stoh’k vo de Dürn
ik häft no nich daun, owwer eines Dages mod ik met ehr Kürn
jeiden Dach um 6 kümp sei rut
of’ sei mi auk woll süht ?
um düsse Tiet, up düsse Welt gift fo mi kein anner Lüt
et geiht nich me ohne di, un ohne dien gröin’ Dumn
fo di kon’k saugar Appels plücken, Appels, Birn’ un Prumn’
du bes miene Maienkönigin, un dat auk in’ Winterdach
kum in mien Gorn, do es nouch to doun
blief bi mi Dach un Nacht
düt roe Hor, dat Mofaföhrn,
wat sei auk döit es wunnerbor
sei hät Stiefmorn, Rausen un Kakteen,
saugor Bartnelken hät sei do
dobi sent dat Bloumn dei’k nich affkann
doch bi ehr kümp’t do nich up an
bi di kon’k saugor Geranien kaupen,
Hauptsake du lachs mi an
et geiht nich me ohne di, un ohne dien gröin’ Dumn
fo di kon’k saugar Appels plücken, Appels, Birn’ un Prumn’
du bes miene Maienkönigin, un dat auk in’ Winterdach
kum in mien Gorn, do es nouch to doun
blief bi mi Dach un Nacht
T/M: W.van Welling
ollein up mien Veranda, buden wet’t ol hell
dei Sün’ kümp ganz sachte, ik woll di wat votell’n
dei Vügel sent ant Piepen, de sent mi nich to grell
an Firmament dien Fleiger, dei es mi viel’sto schnell
Mariechen du ollein
siet du wechbüss stoh’k nur up ein’ Bein
Mariechen wat hä’k daun
up ein’ Bein do kam’ doch nich staun
wo dei Wichters hier bi us so kürt, dat mak’t mi ganz verrückt
os ik di sach Maria hat ik up einmol Glück
nu töif ik hier up dien’ Bus, dei brink di glieks torück
kum up mien Hoff wie fangt we an, ganz sacht Stück fo Stück
Ref.
Br.: du Mariechen, ik häf lang ol up di tofft
eines Dages lifs du up usen Hoff
Ref.
M.: W. van Welling
Kann et sümmes nich gläuben, ik haul di in Arm
sent de Feute auk kauld, diene Ohren sent warm.
Wenn wi tohaope ligget denk ik faken do an
os ik dat este Mol spührt häv, ik kuam bi di an.
Rosewitha du, keine sau os du,
ik lott olle Wichters staun, löss du dei annern Kerls in Ruh !
Ik weit noch et was n’ heiten Sommerdach
du seitest up dien Mofa un du makedest Krach.
Oh diene hotpants de wörn vielstokott,
sau vöhrde ik mien ersten Wagen to Schrott
Br.: Du up dien Mofa un dien blanket Bein,
so häwe ik den aulen Lüchtenpaul nich seihn !
einfach iewen up’n Lanne, kein Armani keine graude Welt
n’ onniken Naubor dei het Manne, no Fieraumt kürn dat es’t wat tellt
dei aul Daimler döit’ no immer, hei rustert derbe, owwer hei löp no
Japaner gläuf’t mi sent viel schlümmer, 400 000 hät hei uppen Kop
goht mi doch löss met düt Gelaber nur van’t Geld
hör ik nur Wallstreet sen’k vogrellt
dei Stillkenkniepen, dei aule Benz, mien aulet Hiarmt
dei Sümmesbrannte, dat es’t wat tellt
mien eigen Holt, miene paar Schierpelsaut sent nouch, dei Barnefelder un dei Egger
Politiker un Kassenfritzen sent mi einerlei, de Börsenkerls goht mi up’n Wecker
ton Friggen met de Wichters möit wi nich inne Stadt, Iarntedank un Pulterigge satt
wi bruk’t kein Internet kein’ anneren Kontakt, am besten geiht dat auk up Platt
Ref.
ik mot einfach rut up’t Land
es dei Wech auk unbekannt
ik bruk dei Luft, hier kuam ik tou Verstand
ik mot einfach rut up’t Land
in Fröijohr, wenn de Vügel wehrig send
de Hasen frigget fubor, gläuft mi dei send blind
dat Gröin schlöch ut, ollet mürt rut
de Schwienebär hät auk ne nigge Brut
in’n Sommerdach, et kann nich bierter gaun
dür’t Feld to laupen, ohne jeiden Taun
dei Sünn schinnt, dei warme Wiend
lot dei Annern ruhig säggen: kick hei spinnt
Ref.
wenn de Hiarft kümp, es’t Lecht Buden so schöin
met Wiend un Riangn, do vogeiht dat Gröin
ik mot no Buden, geiht de Wiend auk no so dull
van Buden kria’k de Niarsn doch nich vull
ollen es Witt, nu es’t we so wiet
doch ik laupe gern dür de Wintertiet
olle sent in Hus, doch ik mot wä rut
Buden sien dat döit mi doch so gout
Ref.
Br. wenn dat mol nich me geiht, dann wi’k auk vanne Welt
n’ganzen Dach in’ Huse, do wer’k no vogrellt
Ref.
dei lütke Kerl 10 Johr, konn nich schlaupen bi dei Nacht
sei satt inne Schouln este Riegen, os hei sei dat erste Mol sach
et was nich ganz einfach,owwer hei hät’ daun, sei frocht: wus du met mi gaun?
doch sei lächelt’n an: ik häv ol ein’n, dat kann’s du nich verstaun!
ik häv ol’n annern, dat geiht nich met us twei
ik häv ol’n annern, un ik will nur den ein’
ik häv ol’n annern, dat geiht nich met us twei ... töif de tiet aff
hei word Marie nich löss, doch et güng woll nich,
anner Wichters send auk ganz schöin
Gertrud, Marianne, Lisbeth un Anne, doch hei woll Mariechen seihndei Tiet vergüng, hei hät do immer an dacht, hei güng inne graude Stadt
doch düt Wicht ute Schouln wat hät dei noch sächt, up’n Land so onnik up Platt ?
Ref.
os hei öller word hät hei Gerda nuam, 2 Kinner n’eigen Hus
doch dann kam dei Tiet, et was Iarntedank, et gaff Pickert met Appelmus
dat konn doch nich sien, do stond Maria, garnich öller worn
et was ne feine Nacht, et gaff viels to kürn, doch dann kam de anner Muarn ...
un hei säch
ik häv ol ne anner, dat geiht nich met us twei
ik häv ol ne anner, un ik will nur de ei’n
ik häv ol ne anner, dat geiht nich met us twei ... töif de Tiet aff
hei mosse löss, wusse nich worüm
hadde graude Pläne un dachte, et wet woll nich so schlümm
sien Land to retten gafft no keine Tiet
met 16 was hei no nich so wiet
no’n Bahnhoff brachten sei’n, no Ossenbrügge
sien Vadder wussede, hei kümp nich me trügge
sien Oller was no nich de Tiet ton Stiarwen
dobie sollen düsse Jungs doch dat Land mol iarwen
wo sent dei Jungs fo us nu bliewen ?
sei hadden doch no dat ganze Liewen !
Aaron kam ut Haifa un ürwer Nacht
häft’se hen ton Land erobern achter de Grenze brocht
6 Dage un sei konn’n graude Siege fier’n
doch met 20 konne hei dat no nich so ganz kappier’n
Ali kam ut Beirut un ürwer Nacht
häft’se hen ton Bombenleggen hierhen brocht
met 30 Kilo Sprengstoff un 20 Johr
sitt hei nu in Israel up den Basar
Ref.